話咁快就已經4月尾啦! 我哋上個月舉辦左兩個工作坊，整過砵仔糕，又接觸過表達藝術，真係大開眼界，仲要大人同小朋友都玩得，小編真係超級開心呀! 搞過幾次工作坊之後，我哋發現各位小朋友實在係多才多藝，所以今次就決定挑戰下大家！唔知小朋友唱歌跳舞又得唔得呢? 嚟睇下我哋同學仔 Rosemary 同 Edward嘅舞蹈先!
係咪好可愛呢? 小編畀足100分佢哋!
小朋友又想唔想好似佢哋咁，唱住跳住學中文呢？機會嚟啦！我哋計劃開設一個唱遊班，畀小朋友透過學習原創廣東話歌曲，邊唱歌邊舞動身體，認識香港文化～ 今次呢個體驗工作坊就係希望畀小朋友了解一下課堂會係點嘅，之後如果想再學多啲廣東話歌，當然可以繼續報名參與啦！
嚟緊4月24號，Freddi老師將會帶領咁多位小朋友，一齊「唱」遊香港各區，同朋友仔、屋企人互動，了解下我哋可愛嘅城市！小朋友係咪聽到心郁郁呢～ 想一齊玩嘅就唔好猶豫，拿拿聲報名啦！
唱遊識香港—體驗工作坊
日期：2022年4月24日（星期日） 時間： 東岸時間 09:00 - 10:30 EDT 倫敦時間 14:00 - 15:30 BST 西澳時間 21:00 - 22:30 AWST 歐洲時間 14:00 - 15:30 WEST 15:00 - 16:30 CEST 16:00 - 17:30 EEST 亞洲時間 20:00 - 21:30 ICT 21:00 - 22:30 HKT / SGT
適合對象：6-12歲小朋友（如有興趣，家長亦可一同參與） *小朋友需具備至少6歲的廣東話聆聽理解能力，能理解完整句子 人數上限：20位小朋友（家長不計算在內） 導師：Miss Freddi 費用：免費 形式：Zoom
名額就快滿啦，有興趣就快啲報名啦！
Comments